唔知大家有無去書展?

唔知大家知唔知，我係一個好鐘意去書局睇書既人，apm ，鑽石山，德福，淘大，mega box，青衣，將軍澳，荃灣，灣仔......等等既書局都有唔小我既腳毛~~可能係我腳毛多啦@@

咁大家去書局會做咩呢，我估有人會只睇唔買，有人會唔睇就買，有人唔會睇唔會買，只係想入去吸下書卷未，但係我係個d 會認真睇，認真買既人@@又讚自已，我覺得去到書局，你要係入面唔悶，要有二個重點，第一，間書局唔可以細同迫，好似鑽石石個間就太細了，第二，係你要有一個屬於你自已既區域，咁樣你就可以好有目標咁選書睇，好似我咁，一入到書店，就會去哲學+自然科學+外國文學個邊，我好希望可以買曬，但係唔可以。

好，講番書展，我睇過唔小社評，佢地都話書展，漫畫展....已經成為左香港既其中一個節日，就好似，聖經睇燈飾咁，我身邊有唔小朋友去左，但係我無去，除左無人陪之外，我係唔知我去到書展應該做咩，我應該去吸下書卷味?真係去選書?去睇下明星?定係只係行下

如果你去書展係想吸書卷味，我恭喜你，因為一年到晚都唔會去書局既你，可以去全港最大既書局去[買書]而且仲可以係會展一試[人潮管制]既滋味，加上一百幾十個同你目的一致既[mk]仔係你身邊大談[人生五個字]真係好興奮架。

如果你係想去睇明星，你就中計啦，除左歌迷，你根本唔會知邊個時候會有邊個[明星]到，如果你睇倒，我恭喜你@@@@

如果你真係想買書[我大多數朋友既意願]，咁就要討論下啦。我無可否認，書展有好多新書又d係平d，又d係其他地方找唔倒，我都相信我d朋友係真係想去，我無任何xx之心，但就我個人習慣而言，我平均要20 分鐘去買一本書，前題係要係自由活動既空間，加上唔駛去找自已想睇既書，咁，如果我要買10  本就要200分鐘，姐係3個幾鐘， 如果買小過10本就連運輸費都無埋@@，當然，如果我有一d想買既書，我都會入去，例如上年既閃電雲，同q版特工，但係我真係好後悔，因為真係太迫，太熱同太遠了，@@

我好希望書展可以係書虫既集中地，而唔係個d想行下既人既集中地，因為如果係後姐，就同一班色狼去女性內衣真人展覽一樣，強暴左個展覽

以上既野係我睇完社評加上年經驗既感受，雖然係咁，我都唔介意有人約我去架@@@@@@@@@@@@@@@@@@@@@@@@@@@@@@@@@@@@@

下期預告，書x文字x老師x明星